Universiteti Bujqësor i Tiranës hap aplikimet për të gjitha programet Master Shkencor dhe Master Ekzekutiv, duke u ofruar të diplomuarve mundësinë për të vijuar studimet e ciklit të dytë në një gamë të gjerë fushash të lidhura me ekonominë, agrobiznesin, bujqësinë, mjedisin, teknologjinë, ushqimin, pyjet dhe zhvillimin rural.
Afati i aplikimit është deri më 5 tetor 2026. Të gjitha aplikimet dhe dorëzimi i dokumentacionit do të kryhen pranë Godinës B, Zyra 107, në Fakultetin e Ekonomisë dhe Agrobiznesit, UBT.
Oferta akademike përfshin programe Master të ndërtuara në fusha të ndryshme specializimi, duke u dhënë studentëve mundësinë të thellojnë njohuritë e fituara gjatë studimeve Bachelor dhe të zhvillojnë kompetenca profesionale dhe shkencore të orientuara drejt tregut të punës.
Në kuadër të ofertës akademike janë hapur aplikimet për këto programe:
- Menaxhim Agrobiznesi, me profile “Menaxhim” dhe “Sipërmarrje dhe Inovacion”
- Marketingu i Ushqimit dhe Biznesi Digjital
- Ekonomi Agrare dhe Politika Evropiane
- Ekonomia Qarkulluese
- Financë-Kontabilitet, me profile “Financë-Bankë” dhe “Kontabilitet-Auditim”
- Informatikë Biznesi, me profile “Zhvillim Software dhe Sisteme Biznesi” dhe “Data Science dhe Inteligjencë Artificiale në Ekonomi”
- Turizëm i Qëndrueshëm dhe Zhvillim Rural
- Inxhinieri Mjedisi dhe Menaxhim Uji, me profile “Menaxhim Uji” dhe “Menaxhim i Burimeve Natyrore”
- Shkenca Zooteknike dhe Akuakulturë, me profile në Zootekni dhe Sigurinë e Produkteve Shtazore, si dhe Akuakulturë dhe Peshkim
- Agronomi, me profile “Agronomi e Përgjithshme”, “Hortikulturë” dhe “Mjekësi Bimore”
- Energjitë e Rinovueshme
- Digjitalizim dhe Automatizim në Bujqësi
- Planifikim dhe Arkitekturë Peizazhi, me profile “Arkitekturë Peizazhi” dhe “Planifikim Peizazhi”
- Inxhinieri Ushqimore, me profile “Teknologji Ushqimore”, “Teknologjia e Pijeve Alkoolike dhe Joalkoolike” dhe “Bioteknologji”
- Shkencat e të Ushqyerit
- Menaxhimi i Ekosistemeve Pyjore
- Dizajni dhe Teknologji Druri
Programet Master Ekzekutiv
- Planifikim dhe Zhvillim Ekonomik Territorial i Zonave Rurale
- Menaxhimi i Cilësisë dhe Standardeve në Sistemet Agroushqimore
Dokumentacioni për Master Shkencor
Kandidatët që aplikojnë në programet Master Shkencor duhet të dorëzojnë:
- diplomën e maturës shtetërore së bashku me certifikatën e notave, ose kopje të njësuara me origjinalin;
- diplomën dhe listën e notave/suplementin e diplomës së ciklit të parë të studimeve, ose kopje të njësuara me origjinalin;
- formularin e aplikimit dhe deklaratën personale, (plotësohet pranë Zyrës së Aplikimit);
- kopjen e dokumentit të identifikimit;
- dy fotografi personale,
- si dhe mandat-pagesën për aplikim, (merret pranë Zyrës së Aplikimit).
Dokumentacioni për Master Ekzekutiv
Për programet Master Ekzekutiv kërkohet
- diploma dhe lista e notave/suplementi i diplomës Bachelor, ose kopje të njësuara me origjinalin,
- diploma dhe lista e notave/suplementi i diplomës Master Shkencor, ose kopje të njësuara me origjinalin.
- formulari i aplikimit dhe deklaratën personale, (plotësohet pranë Zyrës së Aplikimit);
- kopjen e dokumentit të identifikimit,
- dy fotografi personale
- dhe mandat-pagesën për aplikim, (merret pranë Zyrës së Aplikimit).
Afati i aplikimit: deri më 5 tetor 2026
Vendi: Godina B, Zyra 107, Fakulteti i Ekonomisë dhe Agrobiznesit, UBT
Aplikimi: Dorëzimi i dokumentacionit të kërkuar
Zgjidh programin tënd Master, apliko në UBT!