UBT pjesë aktive në diskutimet rajonale për Shkencën e Hapur dhe bioekonominë

Në kuadër të projektit BEAMING, Universiteti Bujqësor i Tiranës (UBT) mori pjesë aktive në një seri diskutimesh të nivelit të lartë me fokus në zhvillimin e Shkencës së Hapur dhe arsimin në fushën e bioekonomisë.

Takimi i radhës u zhvillua më 4 korrik 2025, në Fakultetin e Shkencave Bujqësore dhe Ushqimit në Shkup (UKIM), me pjesëmarrjen e Prof. Dr. Elvin Toromani, ku u diskutua mbi praktikat institucionale për Shkencën e Hapur, infrastrukturën digjitale dhe platformat e ruajtjes së të dhënave.

Palët ranë dakord për thellimin e bashkëpunimit dhe organizimin e aktiviteteve të përbashkëta mbi bioekonominë dhe zbatimin e standardeve të Shkencës së Hapur në të dy vendet.

Vëmendje e veçantë iu kushtua Paketës së Punës 7 (WP7), ku u theksua se kuadri ligjor në Shqipëri për Shkencën e Hapur është ende në fazat fillestare.

Shkenca e Hapur ofron përfitime të shumta për kërkimin në bioekonomi: përshpejtim të inovacionit, bashkëpunim ndërdisiplinor, transparencë më të madhe dhe efikasitet në kosto. Për arsimin, ajo hap rrugën drejt burimeve globale, zhvillimit të aftësive digjitale dhe mundëson qasje të barabartë për studentët