Fakulteti i Ekonomikut në UBT hapi një dritare të re motivimi për studentët, të cilët morën pjesë në një leksion të hapur nga Prof. Anna Mazurek-Kusiak, Profesoresh ne University of Life Sciences in Lublin, Department of Tourism and Recreation.
Si eksperte me përvojë të gjerë në fushën e turizmit, e ftuara mbajti leksionin për modulin Ekonomi Turizmi, për kursin 3 (MTR), Bachelor me temë: "Innovation in product and business promotion. Innovation in rural tourism.
Leksioni solli një perspektivë tjetër mbi mënyrën se si modelet inovative të zhvillimit rural mund të kthehen në histori suksesi edhe në Shqipëri.
Prof. Mazurek ndau shembuj konkretë nga “fshatrat tematikë” europianë — iniciativa kreative që gjallërojnë zonat rurale përmes ndërthurjes së turizmit, kulturës dhe identitetit lokal. Nga fshatra me fokus në artizanat, te qendra rurale që ndërtojnë ofertën turistike rreth produkteve tradicionale, këto modele tregojnë se zhvillimi ekonomik nuk kufizohet vetëm në qytete.
Për studentët e UBT-së, leksioni solli më shumë se teori: ai tregoi mundësi reale për të ardhmen. Këto modele mund të përshtaten plotësisht në Shqipëri, ku zonat rurale kanë potencial të pashfrytëzuar për krijimin e bizneseve kreative, agroturizëm, aktivitete kulturore dhe promovim të produkteve vendase.
Diskutimet u fokusuan në mënyrat praktike se si të rinjtë mund të angazhohen në këto iniciativa — nga ngritja e start-upeve rurale, te zhvillimi i projekteve komunitare që gjenerojnë të ardhura dhe rrisin cilësinë e jetës në zonat jashtë qendrave urbane.
UBT vazhdon të ofrojë hapësira të tilla formimi që i ndihmojnë studentët të kuptojnë potencialet e zhvillimit rural dhe të ndërtojnë rrugën e tyre drejt sipërmarrjes së qëndrueshme. Në një kohë kur modelet e reja ekonomike kërkojnë kreativitet dhe angazhim, të rinjtë kanë më shumë mundësi se kurrë për të qenë pjesë e transformimit të zonave rurale shqiptare.
