Komisioni i Promovimit të Personelit Akademik (KPPA), në bashkëpunim me Drejtorinë e Shkencës dhe Promovimit Akademik (DSHPA), zhvilloi mbledhjen e radhës për shqyrtimin dhe akordimin e titujve akademikë të fituar në UBT.
Gjatë këtij takimi, komisioni dëgjoi prezantimet në gjuhën angleze të kandidatëve për titujt akademikë “Profesor” dhe “Profesor i asociuar”, si dhe vlerësoi veprimtarinë e tyre akademiko-shkencore dhe përmbushjen e standardeve të kërkuara. Pas një procesi të plotë vlerësimi, anëtarët e KPPA-së vendosën me unanimitet të plotë akordimin e titujve akademikë.
Në përfundim të mbledhjes, u vendos:
- Akordimi i Titullit Akademik “Profesor” për znj. Alma Imeri;
- Akordimi i Titullit Akademik “Profesor i asociuar” për z. Emiljan Mustaqe.
Ky vendim përfaqëson një vlerësim të rëndësishëm të kontributit akademik dhe shkencor të pedagogëve, duke forcuar më tej cilësinë e mësimdhënies dhe kërkimit shkencor në UBT.
