Në kuadër të projektit Erasmus ⁺ “Credit Mobility”, midis “Pamukkale University” në Turqi dhe Universitetit Bujqësor të Tiranës, shpallet thirrja për aplikime për Shkëmbim Studentësh, për Semestrin e dytë 2020-2021.

Në këtë projekt ftohen të aplikojnë studentët e Fakultetit të Bioteknologjisë dhe Ushqimit, degët Bachelor, MSc “Teknologji Ushqimore” dhe MSc “Bioteknologji Ushqimore” për t’u bërë pjesë e shkëmbimeve Erasmus ⁺ me Pamukkale University, Denizli, në Turqi. Para aplikimit studentët duhet të kërkojnë dhe përzgjedhin modulet që do të zhvillojnë në Universitetin pritës.
Dokumentet e nevojshme për aplikimin e studentëve të cikleve Bachelor dhe MSc janë:

1. Fotokopje dokumenti identifikimi (pasaportë ose kartë identiteti);
2. Curriculum Vitae;
3. Listë e përditësuar e notave;
4. Letër Motivimi;
5. Certifikatë zotërimi të gjuhës Angleze ose Turke (niveli B1 sipas CEFRL)

Nga  ana  e  Universitetit  Bujqësor,  si  partner  i  projektit,  bëhet  një  rankim  paraprak  i studentëve aplikues. Këtë semesër parashikohen 2 kuota. Bursa është  800 Euro/muaj.

Dorëzimi i dokumentacionit do të bëhet në adresën elektronike: esotiri@instant.al/ubttest.

Afati i fundit për aplikim është: 24 DHJETOR, 2020.

Pavarësisht aplikimit të suksesshëm, vetë lëvizja dhe kushtet e saj mund të ndikohen nga situata e krijuar nga virusi COVID-19.

Kliko këtu: Erasmus Pamukkale